هـــذا الحــزن

Admin عدد الرسائل : 109 تاريخ التسجيل : 16/01/2009

ماتصدق ذالحـزن والله حنـون
أرحم بواجد من طعـون البشـر
يكفي إنه ماتشكـل بألـف لـون
مثل ناسٍ جابـوا بعـادل خبـر
هالحزن ماهو حزن لولا الشجون
والحزن ماهو حزن لولا السهـر
هالحزن ماهو بشر حتى يخـون
إسأل اللّي رافقـه طـول العمـر
الحزن يصنع من الموتى فنـون
فلسفة شاعـر وحوّلهـا عبـر
يمكن إنـه يستلـذ بهالطعـون
بس يكسبك إحترامك فـي كبـر
الحـزن فجـرٍ تخفّيـه الجفـون
كالكتابه فوق صفحـات الطهـر
الحزن دمعه ولكـن.. لاعيـون
حزن لكن غيرعلمنـي الصبـر
يكفي إنه عايش فينـي مغبـون
كم تحمل غطرسة عـادل دهـر
ماتصدق كان لي هالحزن عـون
فيني أحيا كل ماهو مـن حجـر
كل ماضاقت علّي يصرخ تهـون
لاتضايـق دامنـي حـي الدهـر
وقتهـا ناظـرت للـي يكتبـون
كنت أبسأل عن مواعيـد السفـر
وإتركوني دون حتّـى ينظـرون
وإفردوا جنحانهـم كبـر البحـر
وإتركولي قبل ماهـم يرحلـون
دمعة ٍمن شفتها شـاب الشعـر
ماقدرت إني على دموعي أمـون
ماتصدق عاجز أبكي من شهـر
قلت كم عادل وصل حد الجنـون
إن شكى مفضوح وسكوته قهـر